SAMAIN 2015/I

Xa chega o SAMAÍN, unha das nosas festas favoritas, e imos celebralo como se merece. Nos próximos días faremos distintas actividades, pero a semana pasada xa empezamos cos preparativos.

Por exemplo, lemos os contos “Corre corre, cabaciña” e “A bruxa regañadentes”, e tamén bailamos cos esqueletos.

Déixovos información dos contos, e tamén os enlaces a uns vídeos, por se os queredes disfrutar na casa e compartir un momentiño coas nenas e nenos.

Corre corre, cabaciña OQO editora

Eva Mejuto & André Letria 12,90 € | 84-96573-65-6 36 páxs. | cartoné | 25x23 cm | setembro 2006

Non vin vella nin velliña,  nin velliña nin vellón.  Corre corre, cabaciña.  Corre corre, cabazón!,  respondía a cabaza que ía rodando polo camiño,  ante a mirada estupefacta do lobo, do oso e do león.  Quen estará dentro dela, facendo burla das tres feras?  Corre corre, cabaciña é un conto popular portugués, de gran tradición no país veciño. Relata a historia dunha velliña que, de camiño ao casamento da neta, atopa un lobo, un oso e un león que a queren comer. Ela convence os animais para que a esperen á volta do convite e, despois da celebración, a neta e a velliña argallan algo moi orixinal para burlar as tres feras.

• Enlace ao conto "Corre corre, cabaciña", da TVG...

http://www.crtvg.es/tvg/a-carta/capitulo-12-corre-corre-cabacina

• Enlace á canción "Corre corre, cabaciña"...

https://www.youtube.com/watch?v=3Im2AZDcKvc  

A bruxa regañadentes  OQO editora

Tina Meroto & Maurizio A. C. Quarello 13,50 € | 978-84-9871-257-5 48 páxs. | cartoné | 25x23 cm | febreiro 2010 - Reedición

Tres irmáns, desatendendo as advertencias da nai, intérnanse nun bosque escuro e misterioso, onde calquera cousa pode suceder. O máis pequeno, temeroso e consciente do perigo, trata de avisar os dous máis vellos, pero cando ten que tomar unha decisión acaba por acompañalos. Como non saben o camiño de volta, deciden entrar na casa da bruxa, onde cheira a comida… Os contos e lendas sobre bruxas constitúen un repertorio vivo e abondoso, practicamente universal. Adoito, os cativos personifican os seus medos en personaxes malvados de aparencia humana. Porén, para gañaren confianza e superaren os temores, nada mellor que escoitaren contos en que os protagonistas triunfen sobre eses seres arrepiantes, produto da imaxinación. O personaxe da bruxa devoradora de nenos que vive nunha casiña no medio do bosque, aparece na tradición oral de moitos pobos (Turquía, Rusia, Europa…) e posúe tamén antigos antecedentes literarios.

• Enlace ao conto "A bruxa regañadentes"...

• Enlace á canción dos esqueletos...