O desenvolvemento da competencia
emocional dende a infancia é un elemento fundamental no desenvolvemento
integral da personalidade, pois favorece non só a interacción social e a
afectividade, tamén o autocoñecemento do individuo e o seu desenvolvemento cognitivo.
Favorecer a competencia emocional dende idades
temperás, ademais, axuda a previr futuros problemas emocionais e de conduta no
neno/a, polo que a intervención sobre esta competencia adquire gran relevancia.
Nesta liña, adicamos unha especial atención ás emocións, fundamentalmente á
alegría, tristeza, enfado e medo.
Pretendemos que o alumnado coñeza
formas positivas de relación cos demais á vez que se desenvolve de forma
individual a nivel social e emocional. Para isto, trabállanse contidos relacionados
coa competencia emocional co obxectivo de que o neno/a coñeza as súas emocións,
saiba identificalas, expresalas e xestionalas adecuadamente para poder
desenvolverse no seu entorno e manter relacións positivas cos outros.
Esta semana por exemplo, na hora
do conto lemos o conto “Yo materé monstruos por ti”, de Balmes (2014). Despois,
cada nena e neno, fixo o seu propio monstro para, pola noite, ter un monstro ao
que coller como fai Martina, a protagonista do conto. Para a creación do
monstro empregamos diversos materiais, como son calcetíns, algodón, goma eva,
botóns… Cada un seleccionou os materiais e deulle forma ao seu monstro. Unha
vez confeccionados, explicaron como o fixeron, a que teñen medo e como se sente
cando teñen medo.
Nas seguintes fotos podedes ver
que chulos nos quedaron os nosos monstros. Tamén deixo un enlace a un vídeo de
YouTube para que contedes o conto na casa.
Ningún comentario:
Publicar un comentario