O 25 de novembro é un día destacado e especial que se conmemora con manifestos, teatros, exposicións etc. que dunha forma ou outra apoian a todas aquelas mulleres que en calquera lugar do mundo están a sufrir violencia.
Lembramos que o O Día Internacional da Eliminación da Violencia contra as Mulleres foi declarado no primeiro encontro feminista para América Latina e o Caribe celebrado en Bogotá (Colombia) en 1981. No encontro, as mulleres denunciaron sistematicamente a violencia de xénero, desde agresións domésticas a violacións e tortura sexual ou violencia de estado. A proposta feita neste encontro, foi recoñecida oficialmente en 1999 polas Nacións Unidas.
Ademais da violencia de xénero exercida pola parella, existen outras modalidades de violencia contra a muller, como pode ser trátaa de mulleres e nenas con fins de explotación sexual, a mutilación xenital feminina ou os matrimonios forzados. Podedes obter mais información no seguinte enlace:
Na clase falamos sobre este tema. Recordamos o conto de Adela Turín, "Arturo e Clementina" e comentamos o que non nos gusta deste conto e doutros comportamentos similares, ou incluso peores. A partir deste debate, decidimos facer uns carteis para manifestarnos en contra da violencia contra a muller.
Ningún comentario:
Publicar un comentario