As familias de SARA L., CELIA, NEREA V. e RICARDO contáronnos que o que se soía comer na NOITEBOA era bacallau e castañas cocidas, tamén facían colares de castañas.
Que os regalos eran poucos e os traían os REIS MAGOS (non chegaba PAPÁ NOEL). Deixaban chocolate, laranxas e algunha peseta.
Que non se poñía árbore. Con sorte, ían ver o BELÉN ao Pazo.
E que as mozas e mozos ían polas portas da veciñanza cantando OS REIS e CANTOS DE NADAL.
SAN XOSÉ FAI LUME,
A VIRXE SOPRABA,
E O NENO CO LUME
XA NON LLE CHORABA.
DURME QUE CHE PRESTE,
MEU INOCENTIÑO,
COAS BÁGOAS NOS OLLOS
QUEDOU DURMIDIÑO.
Falamos con PAPÁ NOEL por video-conferencia e tamén pasou pola nosa clase. Moitas grazas ao Concello por organizalo e poder darlle a nosa carta e adicarlle unha panxoliña.
Tamén coñecemos ao APALPADOR. Xigante carboeiro que baixa das montañas e toca as barriguiñas das nenas e nenos para ver se comeron abondo durante o ano. Deixa unha presa de castañas, eventualmente algún regalo. E desexa un ano novo cheo de felicidade e fartura.
E finalmente, celebramos o noso particular FIN DE ANO. Con música, uvas e chocolate con churros, que por certo, estaba boísimo. Moitas grazas á ANPA tamén.
F E L I C E S F E S T A S !!
Ningún comentario:
Publicar un comentario